الأحد، يناير ٢١، ٢٠٠٧
أطفال الشوارع
دعنا نتخيل أن معدل انتشار وازديات أعداد أطفال الشوارع فى تزايد مستمر فى مصر. دعنا نتخيل أن بعد مرور ثلاثون عام من الآن يصبح تعداد السكان فى مصر أكثريته أولاد شوارع بل وأسر شوارع. كيف يكون الحال حينذاك؟
الأربعاء، أبريل ٢٦، ٢٠٠٦
دهب
التفجيرات إلى بتحصل فى دهب وأبليها فى شرم وأبليها فى طابا ده كلها ردود أفعال لحاجات. طبعن ناس بتؤول المنطقة ملتهبة عشان الحرب فى العراء (أو الحرب على العراء على حسب مين إلى بيتكلم) وطبعن الى بيقول كده أكيد كلامه تمام وصح. بس أنا عن نفسى عندى وجهة نظر فى الموضوع ده، واللذاذة فى وجهة نظرى دى إن فيها مفتاح الحل. أنا بشوف الموضوع من زاوية معينة، وشايف إن ممكن تساعد على حل عملى ودائم، يعنى طويل المدى مش مجرد بنج مؤقت، للحكاية ده. والحكاية عامة يعنى مش تنطبق على مصر بس.
يا ترى ليه التفجيرات والحجات دى بتحصل فى الأماكن السياحية بالذات؟ مش بس فى مصر، ولكن فى دول كتير برضه فى الأماكن السياحية بالذات. طبعن الإجابه واضحه وسريعة، العمليات دى هدفها ضرب اقتصاد البلد، وبما إن السياحة هى مصدر قوى أوى للعمله الصعبه لبلاد كتير، وعلى راسها مصر، فضرب السياحة بيحأء الهدف ده. وكمان طبعن تفجير فى منطئه سياحية معناه ضرب أجانب وده معناه تغطية إعلامية عالية للحدث ده ومشاكل للدوله المضروبه مع الدول التانية.
ده الأسباب إلى دايمن نسمعها. وأنا الأسباب دى طبعن موافئ عليها وأبصم بالعشره إنها صح. لكن، أنا حبص على الموضوع من زاوية تانية. مش عشان أنفى إن الأسباب الى فاتت دى هى أسباب حئيئية لا سمح الله، ولكن عشان الزاويه اللى حبص منها ممكن يكون فيها مفتاح حل مختلف عن الحلول التقليدية المألوفة، وميزته كمان إنه حل طويل المدى ودائم مش بس بنج موضعى يعنى أو حل نص نص.
أولاً أحب أسأل، إشمعنا يعنى بيضربوا الأماكن السياحية، طب يعنى البلد مش فيها حجات تانيه تعتبر أهداف حيوية وبتأثر على الاقتصاد؟ طبعن فيها. أمال اشمعنا يعنى السياحة بالذات؟ غير الأسباب اللى فاتت، ففى سبب تانى كمان، وهوه إن السياحة ممكن تبأه هدف سهل ضربه، وده لأن سهل تجنيد ناس لضرب الهدف ده بل حتى تفجير نفسهم كمان! طب إشمعنى يعنى؟
بسيطه، الأماكن السياحية غالباً بتبأه جسم غريب على المجتمع المحيط بيها، بتبأه عامله فى غالب الأحوال زى حاجه كده غريبه محشوره وسط مجتمع ما، وبيحصل فيها غالباً حاجات متانافيه تماماّ مع المجتمع الأصلى ده. الموضوع ده بيخلق نوع من الكره للسياحة دى من أهل المكان، طبعن بعضهم ممكن يشتغل فى السياحة بس الأغلبية بتكون مستاءه موت من الى بيحصل ومن الجسم الدخيل ده وكسر البيئه اللى متعودين يعيشو فيها والأعمال المنافية لعاداتهم ومجتمعهم.
وعلى سبيل المثال، حتلاقى فى شرم ودهب وهكذا شرب خمور، وستات عريانه وحجات كتير منافية للمجتمع المصرى، وبعيدة موت عن المجتمع البدوى الأصلى هناك. طبعن ده بيخلأ غضب جامد حتى لو كان بيعمل بعض فرص الرزق لناس من أهل المكان. طيب إيه الحل بأه؟
الحل فى رأى يمكن يبدو كإنه فكره مجنونه حبه وغير واقعية وحجات كتير، بس هيه فى النهاية فكره، ومين عالم يمكن تلهم حد فتجيلو فكره أحسن منها تكون بأه قابلة للتنفيذ. الفكره ببساطه هى عمل نوع من السياحه يحترم عادات وتقاليد المكان إلى بتكون السياحة دى فيه. لو ده حصل، حيختفى الغظب والغيظ من ألوب الناس الى عايشه هناك ومش حيبأه عندهم رغبه فى مقاومة جسم غريب مفروض عليهم ومنافى لعاداتهم. وده حيوقف القدره على التجنيد السهل لعناصر بتروح بإرادتها الحرة لتفجير نفسها فى الأماكن السياحية إيماناً منها إن الأماكن دى فيها فساد ومفسدين وتستاهل الحرء.
عالعموم ده مجرد رأى، والأفكار دى جتلى خلال السنة إلى أنا أضتها بشتغل فى شرم. وفعلن سبحان الله كان الناس اللى شغالين هناك كتير منهم ربنه مش مباركلهم فى رزؤهم رغم الفلوس الكتير اللى كان بياخدها بعضهم.
يا ترى هو ممكن يحص إن تكون فى سياحة تراعى تقاليد المكان إلى بتتعمل فيه؟ وتكون دى نؤطة تسويق للنوع ده من السياحة، على غرار السياحة البيئية كده؟
يا ترى ليه التفجيرات والحجات دى بتحصل فى الأماكن السياحية بالذات؟ مش بس فى مصر، ولكن فى دول كتير برضه فى الأماكن السياحية بالذات. طبعن الإجابه واضحه وسريعة، العمليات دى هدفها ضرب اقتصاد البلد، وبما إن السياحة هى مصدر قوى أوى للعمله الصعبه لبلاد كتير، وعلى راسها مصر، فضرب السياحة بيحأء الهدف ده. وكمان طبعن تفجير فى منطئه سياحية معناه ضرب أجانب وده معناه تغطية إعلامية عالية للحدث ده ومشاكل للدوله المضروبه مع الدول التانية.
ده الأسباب إلى دايمن نسمعها. وأنا الأسباب دى طبعن موافئ عليها وأبصم بالعشره إنها صح. لكن، أنا حبص على الموضوع من زاوية تانية. مش عشان أنفى إن الأسباب الى فاتت دى هى أسباب حئيئية لا سمح الله، ولكن عشان الزاويه اللى حبص منها ممكن يكون فيها مفتاح حل مختلف عن الحلول التقليدية المألوفة، وميزته كمان إنه حل طويل المدى ودائم مش بس بنج موضعى يعنى أو حل نص نص.
أولاً أحب أسأل، إشمعنا يعنى بيضربوا الأماكن السياحية، طب يعنى البلد مش فيها حجات تانيه تعتبر أهداف حيوية وبتأثر على الاقتصاد؟ طبعن فيها. أمال اشمعنا يعنى السياحة بالذات؟ غير الأسباب اللى فاتت، ففى سبب تانى كمان، وهوه إن السياحة ممكن تبأه هدف سهل ضربه، وده لأن سهل تجنيد ناس لضرب الهدف ده بل حتى تفجير نفسهم كمان! طب إشمعنى يعنى؟
بسيطه، الأماكن السياحية غالباً بتبأه جسم غريب على المجتمع المحيط بيها، بتبأه عامله فى غالب الأحوال زى حاجه كده غريبه محشوره وسط مجتمع ما، وبيحصل فيها غالباً حاجات متانافيه تماماّ مع المجتمع الأصلى ده. الموضوع ده بيخلق نوع من الكره للسياحة دى من أهل المكان، طبعن بعضهم ممكن يشتغل فى السياحة بس الأغلبية بتكون مستاءه موت من الى بيحصل ومن الجسم الدخيل ده وكسر البيئه اللى متعودين يعيشو فيها والأعمال المنافية لعاداتهم ومجتمعهم.
وعلى سبيل المثال، حتلاقى فى شرم ودهب وهكذا شرب خمور، وستات عريانه وحجات كتير منافية للمجتمع المصرى، وبعيدة موت عن المجتمع البدوى الأصلى هناك. طبعن ده بيخلأ غضب جامد حتى لو كان بيعمل بعض فرص الرزق لناس من أهل المكان. طيب إيه الحل بأه؟
الحل فى رأى يمكن يبدو كإنه فكره مجنونه حبه وغير واقعية وحجات كتير، بس هيه فى النهاية فكره، ومين عالم يمكن تلهم حد فتجيلو فكره أحسن منها تكون بأه قابلة للتنفيذ. الفكره ببساطه هى عمل نوع من السياحه يحترم عادات وتقاليد المكان إلى بتكون السياحة دى فيه. لو ده حصل، حيختفى الغظب والغيظ من ألوب الناس الى عايشه هناك ومش حيبأه عندهم رغبه فى مقاومة جسم غريب مفروض عليهم ومنافى لعاداتهم. وده حيوقف القدره على التجنيد السهل لعناصر بتروح بإرادتها الحرة لتفجير نفسها فى الأماكن السياحية إيماناً منها إن الأماكن دى فيها فساد ومفسدين وتستاهل الحرء.
عالعموم ده مجرد رأى، والأفكار دى جتلى خلال السنة إلى أنا أضتها بشتغل فى شرم. وفعلن سبحان الله كان الناس اللى شغالين هناك كتير منهم ربنه مش مباركلهم فى رزؤهم رغم الفلوس الكتير اللى كان بياخدها بعضهم.
يا ترى هو ممكن يحص إن تكون فى سياحة تراعى تقاليد المكان إلى بتتعمل فيه؟ وتكون دى نؤطة تسويق للنوع ده من السياحة، على غرار السياحة البيئية كده؟
موضوعين
فى موضوعين نفسى أتكلم فيهم من زمان. بس دول موضوعين طوال أوى، يعنى مش حيكفى فيهم بوست أو إتنين، لا دولم عاوزين مقالتين طوال عراض أوى. المهم.
الموضوع الأول له علاقة بالتفجيرات الأخيرة إللى حصلت فى دهب. والموضوع التانى ليه علاقة بالفساد فى مصر، رؤيتى عنه وتصورى لكيفية إصلاحه بناءً على الرؤية دى.
الموضوع الأول له علاقة بالتفجيرات الأخيرة إللى حصلت فى دهب. والموضوع التانى ليه علاقة بالفساد فى مصر، رؤيتى عنه وتصورى لكيفية إصلاحه بناءً على الرؤية دى.
الاشتراك في:
الرسائل (Atom)